ادائیگی نماز عید2011

الحمد اللہ مرکز انوار میں عید کی نماز ہمارے رہبر و رہنما الحاج صوفی محمد شوکت علی قادری صاحب نے پڑھائی۔ اس موقع پر سینکڑوں کی تعداد میں لوگ نماز ادا کرنے کے لیے تشریف لائے۔ اپنے خطبہ میں رہبر و رہنما نے آج کے دن کے مناسبت سے لوگوں کو غریبوں اور مسکینوں کا خاص خیال رکھنے کی تلقین کی۔ آپ نے قربانی کرنے والوں کومخاطب کرتے ہوئے فرمایا کہ اپنے رشتہ داروں اور ہمسایوں میں جنہوں نے قربانی نہیں کی ان کے گھر خود جا کر قربانی کا گوشت تقسیم کریں اور ایسے لوگ جنہوں نے پورا سال گوشت کھایا تک نہیں ہمارا فرض ہے کہ ہم ان لوگوں کو ڈھونڈ کر ان تک گوشت پہنچائیں۔

آپ نے عید کی نماز پڑھانے کے بعد اجتماعی دعا کی اور ملک پاکستان کے لیے خصوصی دعا فرمائی اور اللہ تعالٰی سے دعا کی کہ جو لوگ قربانی کر رہے ہیں اللہ ان کی قربانی کو قبول فرمائے اور جو نہیں کر سکے اللہ ان کو توفیق عطا فرمائے کہ وہ اگلے سال قربانی کرنے والوں میں شریک ہوں۔

نماز کے اختتام پر آپ نے سبھی حاضرین سے باری باری عید ملی اور اعلان فرمایا کہ عید کے موقع پر انوار مدینہ میں گوشت تقسیم کیا جائے گا وہ لوگ جنہیں کہیں سے گوشت نہ ملے وہ انوار مدینہ تشریف لے آئیں انشاءاللہ ان کو یہاں سے گوشت ضرور ملے گا۔

ہماری دعا ہے کہ اللہ تعالٰی انوار مدینہ کو ترقیاں عطا فرما ئے اور ہمارے رہبرو رہنما کے درجات کو بلند فرما ۔ آمین