روحانی جلوس بسلسلہ جشن عید میلادالنبیﷺ

12 ربیع الاول جشن عید میلاد النبی انوار مدینہ کا روحانی جلوس زیر قیادت صوفی محمدشوکت علی قادری مدظلہ عالی روایتی شان و شوکت سے مزار داتا صاحب کیلیے بعد نماز فجرروانہ ہوا۔ بہت بڑی تعداد میں طالب علموں، جوانوں، اور بزرگوں نے پیدل، سایٔکلوں، موٹر سایٔکلوں، گاڑیوں پر جلوس میں شرکت کی۔ لوگ آمد رسول ﷺ پر انتہايی پر جوش تھے اور ہاتھوں میں خوبصورت بینرز اٹھائے ہوئے منزل کی طرف گامزن تھے۔ سارے راستے درود شریف اور نعت مصطفٰی ﷺ کی صدايیں بلند ہوتی رہیں۔ شرکاء جلوس سبز جھنڈے لہراتے ہوۓ اللہ  کی سب سے بڑی نعمت کے عطا ہونے پر خوشی اور مسرت کا اظہار کرتے رہے۔جلوس بڑے پر امن طریقے سے اپنی منزل داتا صاحب پہنچا اور خصوصی دعا کے بعد اختتام پذیر ہو گیا۔